A Consellería de Traballo achegará este ano un total de 500.000 euros para promover a creación de emprego no agro galego. Un dos obxectivos desta medida é incidir na incorporación das mulleres e dos mozos ao campo como base para o desenvolvemento futuro da actividade agraria.
A convocatoria de axudas para o 2008 contempla unha redución do 20% na cotización á Seguridade Social para aquelas persoas que se acollan ó programa. Este incentivo ten como finalidade complementar a rebaixa do 30% establececida polo Estado para facilitar a alta no Réxime Especial Agrario de Galicia.
No caso dos incentivos a mulleres de ata 45 anos de idade a Consellería de Traballo financiará integramente esa redución do 50% na cota por continxencias comúns de cobertura obrigatoria.
Entre os posibles beneficiarios deste programa atópanse os cotitulares de explotacións gandeiras incorporados dende o 1 de xaneiro do 2006 ao Réxime Especial Agrario da Seguridade Social. Tamén se poderán acoller as persoas que se tivesen incorporado ó Réxime Especial Agrario da Seguridade Social como traballadores por conta propia entre o 1 de agosto e o 31 de decembro de 2007.
Ademáis son susceptibles de recibir estas axudas as persoas incorporadas dende o 1 de xaneiro de 2008 ao Réxime Especial de Autónomos a través do sistema especial para traballadores por conta propia agrarios. En tódolos casos os beneficiarios deberán ter corenta anos de idade, ou menos, no momento da sua incorporación ao sistema de cotización correspondente.
Prazo de presentación: as peticións que deberán entregarse no rexistro xeral da Consellería de Traballo terán de prazo ata o 30 de setembro do 2008.
No hay comentarios:
Publicar un comentario