O INCIO DESPEDIU AS IRMÁNS QUE MORRERON ASFIXIADAS MENTRAS DURMÍAN NUN INCENDIO DA RONDA DA MURALLA

A parroquia lucense de Eirexalba, no Incio, despediu onte ás irmás Aurelia e Rosario Casas Rodríguez, que faleceron o mércores no incendio que se produciu na súa casa da rolda de Outeiro mentres durmían.
Familiares, veciños e amigos sumáronse ás honras fúnebres polas dúas anciás, de 84 e 78 anos, vítimas da tóxica fumareda que se desprendeu no lume que, ao parecer, iniciouse nun electrodoméstico, probablemente un televisor ou unha vella radio.
O suceso produciuse ás catro da madrugada do mércores, cando as dúas irmás atopábanse durmindo na vivenda da maior, Rosario, situada no sétimo piso do número 112 da rolda de Outeiro, no edificio Praza. O lume iniciouse no salón e propagouse aos sofás, onde se produciu unha combustión lenta do material sintético que, case con toda probabilidade, provocou os gases tóxicos que causaron a morte ás dúas mulleres. Unha delas, a maior, foi achada na habitación da súa irmá, derrubada no chan, polo que se cre que se decatou do perigo e intentou avisar a Rosario. Os bombeiros foron advertidos por un veciño que descubriu o fume que saía baixo a porta. Persoal de urxencias atopou ás anciás en parada cardíaca e, a pesar dos esforzos por reanimalas, nada se puido facer.