O PSOE DO INCIO PEDIRÁ QUE SE PROMOVAN XORNADAS PARA INFORMAR A MOZOS E MOZAS EN TEMAS DE ACTUALIDE (SEXUALIDADE, IGUALDADE, VIOLENCIA XÉNERO...)

É importante que os mozos e mozas do noso Concello estén informados en temas de actualidade que non só lles poidan interesar senón que tamén nalgúns casos incluso lles poidan afectar directamente, e para o que moitas veces non atopan respostas.
É por elo que o Grupo Municipal Socialista entende que sería moi positivo que para a nosa xuventude se promoveran xornadas en materias de educación ambiental, emprego, trastornos alimentarios, sexualidade, violencia de xénero, igualdade, drogas, conducción responsable ó volante, alcohol, así como outros temas que puideran ser do seu interese.
O Grupo Municipal Socialista somete a aprobación do pleno que se organicen dende o Concello e en colaboración coa Administración Autonómica xornadas ou charlas- coloquios dirixidos á xuventude do Incio para dar resposta e deixar claras as dúbidas que poidan ter en cuestións de actualide.