O municipio do Incio vestiuse de festa na xornada de onte na que se combinou a tradición das danzas ancestrais da Cervela coa animación do festival Terra Brava, en Santa Cruz do Incio.A parroquia da Cervela volveu recibir os seus catro danzantes, quenes, como marca a tradición, volveron honrar á Virxe do Rosario e os catro Santos (San Antonio, San Cristovo, Santa Lucía e San Roque) que participaron na tradicional procesión que se realiza despois da misa maior.
Os danzantes escenificaron o tradicional baile de máis de cincocentos anos de antigüedade na praza da Cervela, baixo a atenta mirada de lugareños e curiosos, así como unha invitada de luxo a Vicepresidenta segunda de Deputación de Lugo, Lara Méndez que estivo acompañada dos concelleiros socialistas do Incio, Laura Celeiro e Carlos Pereiro, así como a executiva local do PSdeG-PSOE.
O pintoresco desta danza, cuxo orixen está nunha festa pagana, pero que co tempo se adaptou ó cristianismo, consegue que estos festexos sexan uns dos máis importantes e singulares do sur da provincia de Lugo.
IMAXE DE ARQUIVO
No hay comentarios:
Publicar un comentario