Era cedo onte pola maña, cando os pais do Incio (non todos) estaban sobor das 9:30 agardando polo autobus nas portas do Colexio "Ricardo Gasset", un bus que os levaría a Santiago para diante da sede da Consellería de Educación protestar pola supresión do primeiro ciclo da ESO no Concello.Os pais do Incio non estaban sós na sua loita, representantes doutros 6 colexios (Samos, Abadín, Portomarín, Paradela e Baleira), tamén se manifestaban na explanada que hai diante de San Caetano.
Pouco despois das 13 horas decidiron dar unha volta ó redor do edificio, que rodearon por completo formando un corro e xirando ó redor ó longo de varios minutos.
Os pais pretendían con esta concentración, conseguir que a Conselleira de Educación, recibise de primeira man ós representantes dos pais e escoitara de primeira man as suas demandas. Deste xeito, conseguiron que o próximo mercóres sexan recibidos polo secretario xeral de Educación, Benito Fernández e pola Directora Xeral de Innovación, María Xosé Pérez.
Os manifestantes regresaron cansados ós autobuses para volver á casa, mentras comían un "bocata" polo camiño.
Os do Incio chegaron sobor das 4:30 ó punto de partida, cansos pola viaxe, foi para eles como unha xornada escolar. Baixaron do bus, e estabanos esperando, a moitos deles os seus fillos, e só por eles seguirán loitando ata o fin...
No hay comentarios:
Publicar un comentario