OFERTAS, GANGAS, QUE LO REGALAMOS TODO...

A boas horas chega a proposta de alcaldía debatida no pleno de onte para baixar o tipo impositivo do 0.60% ó 0.40% no caso da contribución urbana, e do 0.65 ó 0.30% no caso do IBI rústico. Dende o Grupo Municipal do PSdeG-PSOE entendemos que con esta rebaixa (que é necesaria) non se da solución os veciños e veciñas afectados este ano coa subida dos valores catastrais por un lado e coa aplicación do tipo impositivo máis alto permitido por lei (0.60%).En moitos casos os veciños tiveron xa que pagar cantidades astronómicas (300€-400€) en concepto de IBI.

A rebaixa que agora se fai será de aplicación para o ano 2011.
Agora dende o Goberno Local do Partido Popular, anunciase esta baixada a modo de "oferta", "ganga" vaia que no Incio se tira a casa pola ventá, e incluso o alcalde, amosou o seu desexo de que a reducción do IBI "sirva de exemplo" e sexa adoptada por outros Concellos.

Pois ben, qué pena que non mencione que fai seis anos, o propio goberno local que agora se mostra fachendoso da baixada do imposto, subiu o tipo impositivo de urbana do 0.40% ó 0.60% (unha subida do 50% no tipo impositivo, ata o máximo legal permitido por lei).

O Concello de Sarria tendo a posibilidade de fixar un tipo impositivo máis alto, vén aplicando o porcentaxe do 0.52%.

Tamén se esquence o goberno local de mencionar os altos ingresos que este ano percibe o Concello do Incio, derivados da revisión dos valores catastrais conxugados coa aplicación do tipo impositivo máis alto legalmente permitido.